فما جماعة كي تقرا تحسهم يتعذبو


فما جماعة كي تقرا تحسهم يتعذبو ، داخلين المدرسة بأفكار مسبقة .. هاذم بعد جمعتين لعب تلقاهم بداو التنغنيغ و مايعجبهم شي : “القراية صعيبة” ، “الانسي في الخلاء” ، “آش يركبني في المترو الصباح؟!” ، “البروفات يكرهوني” ، “ملة عملة خترت الانسي!” ، “تو أنا متاع انفورماتيك؟” ، “برشة قراية” ، “إفف آش يجيبلي 8/20” ، “يحكيو ما هزها حد الماتيار هاذي عمناول” ، “القراية ياسر تايوريك نحبو براتيك” ، “آش حاسبين رواحهم جماعة الكلوبات” ، “شبي ما نمشيوش إلى فرنسا ستاج ديتود كي السوبكوم” ..
حاصيلو فنون التشوكيع هذا تسمعها طول العام و قاعدة تتعدى من جيل إلى جيل حتى لصقت في الانسي إلي هي صعيبة و حجر و حد ما ينجح فيها وقت ما تبركالله 95% على القليلة نجاح.
فما زادة من الجهة الأخرى إلي دخل روحو في العجة و عمل أصحاب من أول نهار و تسيب في الأنشطة و نحى الحشمة و قعد بعيد على العقلية التاعبة متاع “القراية هي الكل” و استنفع من الانسي باش يقوي شخصيتو و ينمي علاقاتو و يلقى تحديات أخرى غير أكاديمية و خلاتو متوازن نفسيا باش يكمل 3 اعوام قراية مرتاح و نافح على كل شي حتى في الخدمة تلقاه عندو ثقة أكبر في روحوا و يعرف يحكي مع زملاءو و يتكيف في أي إطار عمل جديد عليه من أول نهار .. عكس إلي يطلعو في الروح كي يجيو يقراو حتى كان نجحوا بالباهي هوما أقرب للروبوات يصلحوا كان لتطبيق أوامر مباشرة متاع عروفاتو .
لذا نصيحة للقادمين الجدد ، ما يهمكمش في الكلام “التحطيمي” متاع تطيح مورال إلي باش تسمعوه ، ما عليكم كان تصنعوا رواحكم وحدكم بعيد عن الأحكام المسبقة ، مازالوا 3 سنين قراية قبل حياة مهنية “رتيبة” ، و إنت وآش تحب ، تحب تبني حياة طالب متوازن أو تسكر على روحك اللعب و تتعدى للحياة المهنية بمخزون فقير من الحياة الجامعية
 
Advertisements
By Farouk Mezghich Posted in Student

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s