رسالة مفتوحة إلى شركة إتصالات تونس قبل موعد اضرابهم


نقصو من التنغنيغ ، هاو أنا  ، نعطيكم مجموعة تمشيات تعملوها باش ترجعو هيبة التيليكوم إلي مرمدتوها بتكركيركم و جشعكم بعيدا عن الألاعيب السياسية لإتحاد الشغل :

نحيو كراهب الإدارات من عند المديرين الكل ، خليو اللازم إلي تستحقو الخدمة التقني ، بولو6 و إلا ميغان سومهم 25 مليون  عمرهم ما كانو كراهب متاع خدمة، هذا رفاهية زايدة تعطيو فيها للموظفين إلي رتبتهم و مستواهم عادي

 نحيو مع الكراهب بونووات الإيسونس ، عيب 300 دينار في الشهر لكل موظف من أجل إنو يمشي يقضي من كارفور كل يوم يولي

 تحديد 13 شهرية لا أكثر في العام ، 15 و 16 شهرية معندوش مبرر

 إحالة على التقاعد لمهندسي البوسطة (المهندسين إلي تخرجو قبل ما يولي فما قطاع التيليكوم في التعليم في تونس) إلي ما فاهمين شي من التيليكوم حتى بعد التكوين إلي تكلف مليارات وبحكم الأقدمية ولاو مديرين يحكمو في المهندسين الجدد إلي 100% اكفاء أكثر منهم في ميدان الشركة و ترقية هؤلاء الأخرين

  • centre de recherche: CERT

نحيو رويق مركز البحث إلي في الغزالة “سيرت ”  إلي متكلف مليارات كل عام و مع يعمل في شي. طيشتو العزايز متاعكم غادي خاطر ما يشمو شي من التيليكوم قال شنوا يصلحوا للبحث. كونو صريحين مع أنفسكم

  • SUP’COM

 نحيو المنحة متاع 80 دينار إلي تعطيها الشركة شهريا لكل طالب بمدرسة الإتصالات “سوبكوم”. زايده ما عندها حتى مبرر : لا هم مستحقين و لا هم زايدين على طلبة تونس الباقين حاجة، شوية عدل بربي. يزيهم عندهم مسكن جامعي بلاش من عندكم. لا يحبو يخدمو عندك مبعد لا شي. زيد اورانج  صححتولها باش تاخوهم الكل كان حبت يعني فلوسكم ماشية حرام.

اخدمو تو ترجع قدر التيليكوم

حطو في بالكم ، الشركة هازتها الضرائب إلي تدفعهملها تونيزيانا و اورانج و الأسوام المشطة متاع الانترنات إلي تشبه السرقة ولات ،

و تأكدو إلي قاعدين تأكدو إلي الخوصصة هي الحل

مع الشكر

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s